លេខាធិការដ្ឋានអង្គការ
សមាគមខ្មែរកម្ពុជាក្រោម ជាស្ថាប័នមួយបានបង្កើតឡើងដើម្បីទទួលបន្ទុកចាត់ចែងការងាររួមរបស់ខ្មែរកម្ពុជាក្រោមនៅព្រះរាជាណាចក្រកម្ពុជា
។
លេខាធិការដ្ឋាននេះ
បានបង្កើតកាលពីឆ្នាំ២០១១ ដោយមានការចូលរួមរបស់ ១១ អង្គការ សមាគម និង ស្ថាប័ន
ដែលជាតំណាងរបស់បងប្អូនខ្មែរកម្ពុជាក្រោម មានមូលដ្ឋាននៅព្រះរាជាណាចក្រកម្ពុជា
រួមមាន ៖ (១) សមាគមព្រះសង្ឃខ្មែរកម្ពុជាក្រោម (២) សម្ព័ន្ធសមណនិស្សិត - និស្សិតខ្មែរកម្ពុជាក្រោម
(៣) មិត្តសមាគមខ្មែរកម្ពុជាក្រោម (៤) សមាគមខ្មែរកម្ពុជាក្រោមដើម្បីសិទ្ធិមនុស្ស និង អភិវឌ្ឍន៍ (៥) សហគមន៍ខ្មែរកម្ពុជាក្រោម (៦)
មូលនិធិសម្រាប់អ្នក ក្រីក្រ (៧) អង្គការខ្មែរកម្ពុជាក្រោមដើម្បីអភិវឌ្ឍន៍ (៨) មជ្ឈមណ្ឌលវប្បធម៌ខ្មែរកម្ពុជាក្រោម
(៩) កម្មវិធីបណ្ដាញយុវជនខ្មែរកម្ពុជាក្រោម (១០) សារព័ត៌មានព្រៃនគរ (១១) អង្គការស្ត្រីខ្មែរកម្ពុជាក្រោម
។
លេខាធិការដ្ឋានអង្គការ
សមាគមខ្មែរកម្ពុជាក្រោមមានប្រធានមួយរូប មកពីអង្គការ សមាគម ឬ ស្ថាប័ន ជាសមាជិក
តួនាទីនេះបានប្តូរវេនគ្នារៀងរាល់ឆ្នាំ ។ នៅឆ្នាំ២០១៥ កន្លងនេះ លោក ប៊ុន មុនី
ប្រធានមិត្តសមាគមខ្មែរកម្ពុជាក្រោម មានកិត្តិយសបានជ្រើសតាំងជាប្រធានលេខាធិការដ្ឋានអង្គការ
។
មិត្តសមាគមខ្មែរកម្ពុជាក្រោម
សូមបង្ហាញនូវរូបភាពមួយចំនួនស្ដីអំពីសកម្មភាពរបស់លោក លោក ប៊ុន មុនី ប្រធានមិត្តសមាគមខ្មែរកម្ពុជាក្រោម
ក្នុងនាមជាប្រធានលេខាធិការដ្ឋានអង្គការ អាណត្តិទី៤ ឆ្នាំ២០១៥ ។
លេខ៖ ០០១/ ម.ស.ខ.ក.ក.ក./២០១៦
លេខាធិការដ្ឋាន
នៃអង្គការ
សមាគមខ្មែរកម្ពុជាក្រោម
របាយការណ៍សកម្មភាព
លេខាធិការដ្ឋាន
ឆ្នាំ២០១៥
លេខាធិការដ្ឋាននៃអង្គការ
សមាគមខ្មែរកម្ពុជាក្រោម ដែលបានបង្កើតឡើងតាំងពីឆ្នាំ២០១១ ក្រោមគំនិតផ្ដួចផ្ដើមដោយតំណាងមន្ត្រីអង្គការ
សមាគមខ្មែរកម្ពុជាក្រោមនៅកម្ពុជាទាំង១២ ជាសមាជិក
ដើម្បីជាមធ្យោបាយសម្របសម្រួលអង្គការ
សមាគមខ្មែរកម្ពុជាក្រោមទាំងអស់នៅកម្ពុជា ប្រមូលផ្ដុំគ្នា
បង្កើតគោលនយោបាយដើម្បីបម្រើផលប្រយោជន៍ខ្មែរក្រោមរួមគ្នា ។
ហើយលេខាធិការដ្ឋានត្រូវផ្លាស់ប្ដូរវេនគ្នាធ្វើជាប្រធានដឹកនាំរៀងរាល់ឆ្នាំ
ក៏ប៉ុន្តែសម្រាប់ឆ្នាំ២០១៥កន្លងមក
ភារកិច្ចជាប្រធានគឺរូបខ្ញុំព្រះករុណា ខ្ញុំបាទ ប៊ុន មុនី ប្រធានមិត្តសមាគមខ្មែរកម្ពុជាក្រោម
ទទួលបន្ទុកដឹកនាំ ។
ដូច្នេះ
ក្នុងរយៈពេលមួយឆ្នាំកន្លងមក ខ្ញុំព្រះករុណា ខ្ញុំបាទ រួមជាមួយសមាជិក
សមាជិកា នៃគណៈកម្មការលេខាធិការដ្ឋានខ្មែរកម្ពុជាក្រោមឆ្នាំ២០១៥ បានបំពេញតួនាទីបម្រើកិច្ចការក្នុងក្របខណ្ឌលេខាធិការដ្ឋាន
ដើម្បីឆ្លើយតបទៅនឹងស្ថានភាពជាក់ស្ដែង និង តម្រូវការចាំបាច់
នៃស្ថានភាពទូទៅរួមមាន ៖
១.
ថ្ងៃទី០៤ ខែមករា ឆ្នាំ២០១៥ លេខាធិការដ្ឋាន បានធ្វើការដោះស្រាយអធិករណ៍
(វត្តសាមគ្គីរង្សី) រវាងមន្ត្រីសង្ឃវត្ត និង ព្រះភិក្ខុ សុទ្ធ ឆៃយ៉ា ។
២.
ថ្ងៃទី១៤ ខែមករា ឆ្នាំ២០១៥ លេខាធិការដ្ឋាន បានយកកម្រងផ្កា និង
ថវិកាទៅចូលរួមរំលែកទុក្ខបុណ្យសពព្រះតេជព្រះគុណ ថាច់ ខាន់ (ព្រះពហុស្សូតស្ដាំវត្តសាមគ្គីរង្សី) ។
៣.
ថ្ងៃទី២៨ ខែកុម្ភៈ ឆ្នាំ២០១៥ លេខាធិការដ្ឋាន
បានធ្វើពិធីរៀបចំបង្សុកូលប្រគេនវិញ្ញាណក្ខន្ធព្រះតេជព្រះគុណ អ៊ាង សុខធឿន វត្តទំនុំជ្រឹង ខេត្តកណ្ដាល ។
៤.
ថ្ងៃទី០១ ខែមិនា ឆ្នាំ២០១៥ ខ្ញុំព្រះករុណា ខ្ញុំបាទ ក្នុងនាមលេខាធិការដ្ឋាន
ទៅស្ថានីយវិទ្យុបារាំងអន្តរជាតិ
ផ្ដល់បទសម្ភាសន៍ស្ដីអំពីបញ្ហាខ្មែរកម្ពុជាក្រោម ។
៥.
ថ្ងៃទី០៦ ខែមិនា ឆ្នាំ២០១៥ លេខាធិការដ្ឋាន បានរៀបចំសិក្ខាសាលាថ្នាក់ជាតិ និង
ពិធីបុណ្យអបអរសាទរទិវានារីអន្តរជាតិ ៨ មិនា ។
៦.
ថ្ងៃទី២២ ខែមិនា ឆ្នាំ២០១៥
លេខាអធិការដ្ឋានបានចូលរួមដោះស្រាយបញ្ហាវត្តសាមគ្គីរង្សី ។
៧.
ថ្ងៃទី២៨ ខែមិនា ឆ្នាំ២០១៥ លេខាធិការដ្ឋាន បានយកកម្រងផ្កា និង
ថវិកាចូលរួមរំលែកទុក្ខនៃក្រុមគ្រួសារសពលោក ច័ន្ទ សុខា អតីតអធិបតីមិត្តសមាគមខ្មែរកម្ពុជាក្រោម
។
៨. ថ្ងៃទី២៦ ខែមេសា ឆ្នាំ២០១៥ លេខាធិការដ្ឋាន ចូលរួមដោះស្រាយបញ្ហាវត្តសាមគ្គីរង្សីលើកទី៣
។
៩.
ថ្ងៃទី១០ ខែឧសភា ឆ្នាំ២០១៥ លេខាធិការដ្ឋាន
ចេញសេចក្ដីថ្លែងការណ៍ស្ដីអំពីបញ្ហាអាជ្ញាធរវៀតណាមបង្ខំឲ្យវត្តអារាមនៅកម្ពុជាក្រោមប្រើប្រាស់ត្រាតាមបែបថ្មីដែលមានសុទ្ធតែអក្សរយួន
។
១០.
លេខាធិការដ្ឋានក៏បានធ្វើលិខិតមួយជូនរដ្ឋាភិបាលនៃសាធារណរដ្ឋសង្គមនិយមវៀតណាមស្នើផ្ដល់សិទ្ធិប្រើប្រាស់ត្រាដែឡមានអក្សរខ្មែរស្រាប់វត្តអារាមខ្មែរនៅដែនដីកម្ពុជាក្រោម
។
១១.
ក៏ក្នុងថ្ងៃទី១០ ខែឧសភា ឆ្នាំ២០១៥ ដដែល លេខាធិការដ្ឋានបានចូលរួមប្រជុំជាមួយសហគមន៍ខ្មែរកម្ពុជាក្រោមរបស់ឯកឧត្ដម
ថាច់ សេដ្ឋា ដើម្បីពិភាក្សាពីបញ្ហាបុណ្យបាត់បង់ទឹកដី ។
១២.
ថ្ងៃទី១៦ ខែឧសភា ឆ្នាំ២០១៥ លេខាធិការដ្ឋាន ជួបមន្ត្រីធម្មការ និង សាសនា ស្ដីអំពីពិធីរំដោះបញ្ហាក្នុងវត្តសាមគ្គីរង្សី
។
១៣. ថ្ងៃទី២៤ ខែឧសភា ឆ្នាំ២០១៥ លេខាធិការដ្ឋាន ប្រជុំជាមួយសហគមន៍ខ្មែរកម្ពុជាក្រោមអំពីការរៀបចំធ្វើបុណ្យ
។
១៤.
ថ្ងៃទី៣០ ខែឧសភា ឆ្នាំ២០១៥ លេខាធិការដ្ឋាន បើកអង្គប្រជុំស្ដីអំពីសន្ទរកថាចូលរួមបុណ្យបាត់បង់ទឹកដី
។
១៥.
ថ្ងៃទី០៤ ខែមិថុនា ឆ្នាំ២០១៥
លេខាអធិការដ្ឋានចូលរួមកាន់ទុក្ខបុណ្យបាត់បង់ទឹកដីកម្ពុជាក្រោមខួបទី៦៦
ឆ្នាំ ។
១៦.
ថ្ងៃទី១៦ ខែមិថុនា ឆ្នាំ២០១៥ លេខាធិការដ្ឋាន បានធ្វើជាអ្នករៀបចំពិធីបុណ្យចងដៃព្រះចៅអធិការ
និង លោកគ្រូពហុស្សូតឆ្វេង ស្ដាំវត្តសាមគ្គីរង្សី ។
១៧.
ថ្ងៃទី១៧ ខែមិថុនា ឆ្នាំ២០១៥ លេខាធិការដ្ឋាន
ចូលរួមជាកិត្តិយសក្នុងពិធីចែកអំណោយរបស់សហព័ន្ធក្នុងវត្តសាមគ្គីរង្សី ។
១៨.
ថ្ងៃទី៣០ ខែកក្កដា ឆ្នាំ២០១៥ លេខាធិការដ្ឋាន ចូលរួមជាអធិបតីក្នុងពិធីប្រគេនអាហារូបករណ៍របស់សមាគមព្រះសង្ឃខ្មែរកម្ពុជាក្រោម
។
១៩.
ថ្ងៃទី០៣ ខែសីហា ឆ្នាំ២០១៥ លេខាធិការដ្ឋាន បានចូលទៅថ្វាយបង្គំព្រះតេជព្រះគុណ
យ៉ាន់ ថាត់ ព្រះចៅអធិការវត្តអង្គតាមិញដើម្បីសួរនាំអំពីករណីចាប់ព្រះសង្ឃពីរអង្គ
គឺ ព្រះតេជព្រះគុណ ដាវ ទេព និង ជា វ៉ាន់ដា ។
២០.
ថ្ងៃទី០៩ ខែសីហា ឆ្នាំ២០១៥ លេខាអធិការដ្ឋាន បើកអង្គប្រជុំពង្រឹងការងាររបស់ខ្លួន
។
២១.
ថ្ងៃទី១១ ខែសីហា ឆ្នាំ២០១៥ លេខាធិការដ្ឋាន បានបើអង្គប្រជុំពិភាក្សាលើបញ្ហាព្រះសង្ឃពីរអង្គវត្តអង្គតាមិញ
និង ពិធីធ្វើបុណ្យក្នុងវត្តសាមគ្គីរង្សី ។
២២.
ថ្ងៃទី១៤ ខែសីហា ឆ្នាំ២០១៥ លេខាធិការដ្ឋាន បានធ្វើសន្និសីទសារព័ត៌មានក្នុងវត្តសាមគ្គីរង្សីស្ដីអំពីការចាប់ព្រះសង្ឃពីរអង្គវត្តអង្គតាមិញ
។
២៣.
ថ្ងៃទី១៩ ខែសីហា ឆ្នាំ២០១៥ លេខាធិការដ្ឋាន បានចេញសេចក្ដីថ្លែងការណ៍ថ្កោលទោសនូវករណីចាប់ព្រះសង្ឃពីរអង្គខាងលើ
។
២៤.
ថ្ងៃទី៣០ ខែសីហា ឆ្នាំ២០១៥ លេខាធិការដ្ឋាន បានបើកអង្គប្រជុំពិភាក្សាការងារផ្ទៃក្នុងនៃលេខាធិការដ្ឋាន
។
២៥.
ថ្ងៃទី០៦ ខែកញ្ញា ឆ្នាំ២០១៥ លេខាធិការដ្ឋាន បើកអង្គប្រជុំពិភាក្សាលើការងារធ្វើបុណ្យសិទ្ធិជនជាតិដើម
។
២៦.
ថ្ងៃទី១៣ ខែកញ្ញា ឆ្នាំ២០១៥ លេខាធិការដ្ឋាន បានរៀបចំបុណ្យអបអរសាទរការចេញស្ដីប្រកាសស្ដីអំពីសិទ្ធិជនជាតិដើមក្រោមការឧបត្ថម្ភពីសហព័ន្ធខ្មែរកម្ពុជាក្រោមពិភពលោក
។
២៧.
ថ្ងៃទី០៥ ខែតុលា ឆ្នាំ២០១៥ លេខាធិការដ្ឋាន បានរៀបចំវេនទី៥ ប្រគេនចង្ហាន់ក្នុងរដូវបុណ្យភ្ជុំបិណ្ឌ
។
២៨.
ថ្ងៃទី២៥ ខែតុលា ឆ្នាំ២០១៥ លេខាធិការដ្ឋាន បានចូលរួមប្រជុំនៅផ្ទះឯកឧត្ដម
យន្ត ថារ៉ូ ដើម្បីរៀបចំបុណ្យ ១៦ វិច្ឆិកា ។
២៩.
ថ្ងៃទី១៦ ខែវិច្ឆិកា ឆ្នាំ២០១៥ លេខាធិការដ្ឋាន
បានចូលរួមជាអធិបតីនៃពិធីបុណ្យខួបលើទី៣៩ ឆ្នាំ ១៦ វិច្ឆិកា ២០១៥
ទិវាតស៊ូយុទ្ធជន យុទ្ធការីកម្ពុជាក្រោម ។
៣០.
ថ្ងៃទី២៩ ខែវិច្ឆិកា ឆ្នាំ២០១៥ លេខាធិការដ្ឋាន បានចូលរួមប្រជុំជាមួយអង្គការ
សមាគមខ្មែរកម្ពុជាក្រោមដើម្បីសិទ្ធិមនុស្ស និង អភិវឌ្ឍន៍
ដើម្បីពិភាក្សាលើបញ្ហាបុណ្យសិទ្ធិមនុស្សអន្តរជាតិ ។
៣១.
ថ្ងៃទី០៥ ខែធ្នូ ឆ្នាំ២០១៥ លេខាធិការដ្ឋាន
បានមូលមកវត្តចង្ក្រានតាព្រហ្មស្ទឹងមានជ័យ
ដើម្បីជួយអន្តរាគមន៍ដល់ព្រះសង្ឃខ្មែរកម្ពុជាក្រោម ១ ព្រះអង្គ គឺ
ព្រះតេជព្រះគុណ គីម សីលា ត្រូវបានគេចោទប្រកាន់ដោយអយុត្តិធម៌ ។
៣២.
ថ្ងៃទី០៦ ខែធ្នូ ឆ្នាំ២០១៥ លេខាធិការដ្ឋាន
បានចូលរួមជាអធិបតីក្នុងពិធីអបអរសាទរខួបទី៦៧ ឆ្នាំ
នៃទិវាសិទ្ធិមនុស្សអន្តរជាតិ ។
៣៣.
ថ្ងៃទី០៧ ខែធ្នូ ឆ្នាំ២០១៥ លេខាធិការដ្ឋាន បានធ្វើសន្និសីទក្នុងវត្តចង្ក្រានតាព្រហ្មស្ទឹងមានជ័យ
និង សំដែងនូវការមិនពេញចិត្តចំពោះចំណាត់ការ និង ការចោទប្រកាន់ដោយអយុត្តិធម៌មកលើព្រះតេជព្រះគុណ
គីម សីលា ។
៣៤.
ថ្ងៃទី០៧ខែធ្នូ ឆ្នាំ២០១៥
លេខាធិការដ្ឋានបានចេញសេចក្ដីថ្លែងការណ៍ថ្កោលទោសចំពោះមន្ត្រីសង្ឃវត្តចង្ក្រានតាព្រហ្មស្ទឹងមានជ័យ
និង អំពាវនាវដល់គ្រប់ស្ថាប័នជួយរកយុត្តិធម៌ប្រគេនព្រះតេជព្រះគុណ គីម សីលា ។
៣៥.
ថ្ងៃទី២៧ ខែធ្នូ ឆ្នាំ២០១៥ លេខាធិការដ្ឋាន បានចូលរួមពិធីជួបជុំនិស្សិត
បញ្ញវ័ន្ត និង សប្បុរសជន ដែលរៀបចំឡើងដោយសម្ព័ន្ធសមណនិស្សិត និង
និស្សិតខ្មែរកម្ពុជាក្រោម ។
នៅមានសកម្មភាពមួយចំនួនឡូថែមទៀតដែលខ្ញុំព្រះករុណា
ខ្ញុំបាទ មិនបានយកមកបង្ហាញឲ្យបានគ្រប់ជ្រុងជ្រោយទេ គ្រាន់តែលើកយកមកដោយសង្ខេបដើម្បីជាទឡ្ហីករណ៍
ខ្លះៗ នៃសកម្មភាពរបស់លេខាធិការដ្ឋានសម្រាប់ឆ្នាំ២០១៥ នេះ ។
ផ្ទុយទៅវិញ
នៅមានសកម្មភាព និង ផែនការណ៍សំខាន់ៗ ជាច្រើនថែមទៀត ដែលយើងខ្ញុំព្រះករុណា
ខ្ញុំបាទ ជាគណៈកម្មាធិការលេខាធិការដ្ឋានឆ្នាំ២០១៥ មិនទាន់យកមកអនុវត្ត
ទុកផែនការណ៍ទាំងអស់នេះមកជូនប្រធាន និង គណៈកម្មាធិការថ្មី (ឆ្នាំ២០១៦)
យកមករៀបចំចាត់ចែងតាមការគួរចុះ ។
ភ្នំពេញ
ថ្ងៃទី០២ ខែមករា ឆ្នាំ២០១៦
ប្រធានលេខាធិការដ្ឋានឆ្នាំ២០១៦
និង
ជាប្រធានមិត្តសមាគមខ្មែរកម្ពុជាក្រោម
ចែករំលែកអត្ថបទ
