សេចក្ដីថ្លែងការណ៍
របស់លេខាធិការដ្ឋានអង្គការ
– សមាគមខ្មែរកម្ពុជាក្រោម
ប្រចាំព្រះរាជាណាចក្រកម្ពុជា
-
ដោយពិនិត្យឃើញថា ៖
សេចក្ដីសម្រេចចោទប្រកាន់របស់សាលាបំបូងរាជធានីភ្នំពេញ ទៅលើមន្ត្រីសមាគមអាដហុក
មន្ត្រីគណៈកម្មាធិការជាតិរៀបចំការបោះឆ្នោត និង
បុគ្គលិកការិយាល័យឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្ស
ទាំង ៦ រូប ដោយចោទប្រកាន់ពីបទសូកប៉ាន់ក្នុងចំនួនទឹកប្រាក់ $២០៤ (ពីររយសូន្យបួនដុល្លារសហរដ្ឋអាមេរិក)
។
-
លេខាធិការដ្ឋានអង្គការ –
សមាគមខ្មែរកម្ពុជាក្រោម ជាស្ថាប័នប្រមូលផ្ដុំទៅដោយ អង្គការ –
សមាគមខ្មែរកម្ពុជាក្រោមចំនួនដប់មួយនៅព្រះរាជាណាចក្រកម្ពុជា
មើលឃើញថាជាការចោទប្រកាន់ដោយមិនសមហេតុសមផលទាល់តែសោះ ។
លេខាធិការដ្ឋាន
អង្គការ – សមាគមខ្មែរកម្ពុជាក្រោម ប្រចាំព្រះរាជាណាចក្រកម្ពុជា
សូមធ្វើសេចក្ដីថ្លែងការណ៍ដូចតទៅ
៖
១. គាំទ្រទាំងស្រុងចំពោះសេចក្ដីថ្លែងការណ៍របស់សង្គមស៊ីវិលប្រចាំព្រះរាជាណាចក្រកម្ពុជា
ចុះថ្ងៃទី០២ ខែឧសភា ឆ្នាំ២០១៦ ។
២. សំណូមពរ
សូមឲ្យសាលាដំបូងរាជធានីភ្នំពេញពិចារណាឲ្យបានល្អិតល្អន់ដើម្បីទម្លាក់ការចោទប្រកាន់ទៅលើមន្ត្រីនៃសមាគមអាដហុក
មន្ត្រីនៃគណៈកម្មាធិការជាតិរៀបចំការបោះឆ្នោត និង
បុគ្គលិកការិយាល័យឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជាជាបន្ទាន់
និង ដោយឥតលក្ខខណ្ឌ ។
`
ថ្ងៃទី០៣ ខែឧសភា
ឆ្នាំ២០១៦
លេខាធិការដ្ឋានអង្គការ
– សមាគមខ្មែរកម្ពុជាក្រោម
ប្រចាំព្រះរាជាណាចក្រកម្ពុជា
ចែករំលែកអត្ថបទ
