មិត្តសមាគមខ្មែរកម្ពុជាក្រោមសូមថ្លែងអំណរ
អរព្រះគុណ និង អរគុណ យ៉ាងជ្រាលជ្រៅចំពោះព្រះតេជព្រះគុណ លោក លោកស្រី និង
បងប្អូនសប្បុរសជនដែលបានបរិច្ចាគធនធាន ទ្រព្យសម្បត្តិ ផ្ទាល់ខ្លួន
ឧបត្ថម្ភសកម្មភាពរបស់មិត្តសមាគម ជាពិសេស យើងខ្ញុំព្រះករុណា យើងខ្ញុំសូមអរព្រះគុណ
និង អរគុណចំពោះ ៖ ព្រះតេជព្រះគុណ
ច័ន្ទ ដារ៉ា គង់នៅប្រទេសបារាំង សមាគមព្រះពុទ្ធសាសនាខ្មែរក្រោមប្រចាំអាមេរិកខាងជើង
(The
United Khmer Krom Buddhist Monks of North America ) ដែលដឹកនាំដោយព្រះតេជព្រះគុណ
ធីធីធម្មោ និង សហការី អ្នកស្រី
ថាច់ ធីហុង (KELLY H. THACH) ដែលសព្វថ្ងៃកំពុងស្នាក់នៅសហរដ្ឋអាមេរិក ការឧបត្ថម្ភរបស់ព្រះតេជព្រះគុណ
លោក លោកស្រី និង
បងប្អូនមានសារៈសំខាន់ដ៏ធំធេងសម្រាប់ភាពងាយស្រួលក្នុងដំណើរការទៅមុខបម្រើបងប្អូនជនរួមឈាមខ្មែរកម្ពុជាក្រោមរបស់មិត្តសមាគម
។
មិត្តសមាគមខ្មែរកម្ពុជាក្រោម
សូមបួងសួងវត្ថុស័ក្តិសិទ្ធិទាំងឡាយក្នុងលោកជួយបីបាច់រក្សាព្រះតេជព្រះគុណ
អស់លោកលោកស្រី និង សូមឲ្យពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ
ចូលមានដល់ព្រះគុណម្ចាស់គ្រប់ព្រះអង្គ និង អស់លោក លោកស្រីជាសប្បុរសជន !
