ថ្នាក់ដឹកនាំសហព័ន្ធខ្មែរកម្ពុជាក្រោម អំពាវនាវសូមអោយយុវជនខ្មែរកម្ពុជាក្រោម
ផ្ដោតអារម្មណ៍ទៅលើសម្បត្តិវប្បធម៌របស់ខ្មែរនៅដែនដីកម្ពុជាក្រោម ។
ដែលរដ្ឋាភិបាលវៀតណាមមិនយកចិត្តទុកដាក់ថែរក្សាការពារ ។
 |
| លោក ត្រឹង ម៉ានរិន ក្នុងពិធីសន្និបាតប្រចាំឆ្នាំ ២០១៥ នៃសហព័ន្ធខ្មែរកម្ពុជាក្រោម |
លោក
ត្រឹង ម៉ានរិន នាយកផែនការនៃសហព័ន្ធខ្មែរកម្ពុជាក្រោម បានថ្លែងទៅកាន់យុវជនខ្មែរកម្ពុជាក្រោម
ដែលមកពីប្រទេសផ្សេង ៗ មកជួបជុំគ្នានៅទីស្នាក់ការ សហព័ន្ធខ្មែរកម្ពុជាក្រោម
ដែលស្ថិតនៅទីក្រុង ខាំឌិន រដ្ឋញីវចឺស៊ី សហរដ្ឋអាមេរិក ។ កាលពីថ្ងៃទី ១៤
ខែឧសភា ឆ្នាំ ២០១៦ ថាបញ្ហាស្រះគូ នៅខេត្តព្រះត្រពាំង
ដែលត្រូវរីងស្ងួតនោះជាបញ្ហាដែលយើងត្រូវព្រួយបារម្ភហើយ
ប៉ុន្តែបញ្ហាដែលយើងត្រូវផ្ដោតអារម្មណ៍ជាសំខាន់នោះគឺ
សម្បត្តិវប្បធម៌របស់ខ្មែរកម្ពុជាក្រោមច្រើនទៀត ដែលប្រឈមមុខនឹងការបាត់បង់
ប៉ុន្តែរដ្ឋាភិបាលវៀតណាម មិនយកចិត្តទុកដាក់ថែរក្សានឹងការពារ
ដូចជាដើមឈើទាលដែលជាស្នាដៃរបស់លោក ឧកញ៉ា សឺន គុយ ជាអ្នកដាំ
នៅខេត្តព្រះត្រពាំង ។ ល្ខោនបាសាក់ និង របាំនៅភូមិបឹងចុង
ក្នុងខេត្តឃ្លាំងជាដើម ។
សូមបញ្ជាក់ថា
ការជួបជុំយុវជនខ្មែរកម្ពុជាក្រោមនាពេលនេះ
គឺជាការជួបជុំខ្មែរកម្ពុជាក្រោមនៅលើពិភពលោក ដើម្បីផ្លាស់ប្ដូរទស្សនៈ និង
មតិយោបល់ សម្រាប់ការតស៊ូមតិរបស់សហព័ន្ធខ្មែរកម្ពុជាក្រោមផង និង ដើម្បីចូលរួមសម័យប្រជុំប្រចាំឆ្នាំរបស់គណៈកម្មាធិការអចិន្ត្រៃយ៍នៃអង្គការសហប្រជាជាតិស្ដីអំពីជនជាតិដើម
របស់សហព័ន្ធខ្មែរកម្ពុជាក្រោម ។
សូមតាមដានទស្សនាវិឌីអូខាងក្រោម៖
ចែករំលែកអត្ថបទ
