គណៈប្រតិភូមិត្តសមាគមខ្មែរកម្ពុជាក្រោម ដាក់កម្រងផ្ការំលលែកទុក្ខចំពោះគ្រួសារសពលោក ម៉ាយ គី

នៅថ្ងៃទី០៥ ខែតុលា ឆ្នាំ២០១៦ គណៈកម្មាធិការនាយកមិត្តសមាគមខ្មែរកម្ពុជាក្រោមដឹកនាំដោយលោកប្រធានប៊ុន មុនី បាននិមន្ត និង អញ្ជើញទៅដាក់កម្រងផ្ការំលែកទុក្ខចំពោះគ្រួសារសពលោក ម៉ាយ គី ដែលជាសមាជិករបស់មិត្តសមាគម នៅគេហដ្ឋានភូមិសាមគ្គី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។

ក្នុងឱកាសនេះលោកប្រធាន ប៊ុនមុនី បានថ្លែងនូវមនោសញ្ចិតនាទៅកាន់គ្រួសារសព ដោយមានការសោកស្ដាយ និង អាឡោះអាល័យ ព្រមទាំងចូលរួមរំលែកទុក្ខចំពោះគ្រួសារសពផងដែរ ។ ក្រៅពីកម្រងផ្កាបង្ហាញនូវការសោកស្ដាយចំពោះការបាត់សមាជិកសមាគមមួយរូប មិត្តសមាគមខ្មែរកម្ពុជាក្រោមក៏បានជូន នូវថវិកាចំនួន ៣០ម៉ឺនរៀល ដើម្បីជួយចែករំលែកទុក្ខលំបាកដល់គ្រួសារសពលោកម៉ាយ គី ។

លោកម៉ាយ គី កើតឆ្នាំ១៩៥០ នៅឃុំសំរោង ស្រុកអូមុល ខេត្តព្រែកឫស្សី កម្ពុជាក្រោម បានចូលសមាជិកមិត្តសមាគមខ្មែរកម្ពុជាក្រោមកាលពីខែមេសា ឆ្នាំ២០១៦ ។ លោកបានទទួលអនិច្ចកម្មកាលពីថ្ងៃអង្គារ ᧣ ខែអស្សុជ ឆ្នាំវកអដ្ឋស័ក ព.ស.១៥៦០ ត្រូវនឹងថ្ងៃទី០៤ ខែតុលា ឆ្នាំ២០១៦ នៅគេហដ្ឋាន ភូមិសាមគ្គី សង្កាត់ឫស្សកែវ ខណ្ឌឫស្សីកែវ រាជធានីភ្នំពេញ ក្នុងជន្មាយុ ៦៦ ឆ្នាំ ។