លេខ ៖ ០៤៤/ម.ស.ខ.ក.ក.
/២០១៦
លិខិតបវារណា
គណៈកម្មការទូកងខ្មែរកម្ពុជាក្រោមមានជ័យ នៃមិត្តសមាគមខ្មែរកម្ពុជាក្រោម
មានកិត្តិយសសូមពិតពុទ្ធដីកា ទូលថ្វាយ និង ជម្រាបជូនព្រះថេរានុត្ថេរៈគ្រប់ព្រះអង្គ
ទ្រង់ ឯកឧត្ដម លោកជំទាវ អស់លោក លោកស្រី និង សប្បុរសជនទាំងក្នុង និង ក្រៅប្រទេស
សូមព្រះមេត្តា និង មេត្តាជ្រាបថា នៅក្នុងព្រះរាជពិធីបុណ្យអុំទូក បណ្ដែតប្រទីប
អកអំបុក និង សំពះព្រះខែ ដែលនឹងប្រព្រឹត្តទៅនៅថ្ងៃទី ១៤ និង ១៥ កើត និង ១ រោច
ខែកត្តិក ឆ្នាំវកអដ្ឋស័ក ព.ស. ២៥៦០
ត្រូវនឹងថ្ងៃទី១៣ ១៤ និង ១៥ ខែវិច្ឆិកា ឆ្នាំ២០១៦ ខាងមុខនេះ ។
ទូកងខ្មែរកម្ពុជាក្រោមមានជ័យ របស់មិត្តសមាគមខ្មែរកម្ពុជាក្រោមបានសម្រេចថានឹងចូលរួមអុំប្រណាំងដើម្បីអបអរសាទរព្រះរាជពិធីបុណ្យខាងលើនេះដែរ
។ នៅក្នុងការចូលរួមអុំប្រណាំងនេះ យើងខ្ញុំត្រូវការថវិកាចំណាយក្នុងចំនួនច្រើនបង្គួរ
។
អាស្រ័យហេតុនេះ
គណៈកម្មការយើងខ្ញុំសូមបវារណាចំពោះទឹកព្រះទ័យ និង
ចិត្តសប្បុរសធម៌របស់ព្រះថេរានុត្ថេរៈ ទ្រង់ ឯកឧត្ដម លោកជំទាវ អស់លោក លោកស្រី
និង សប្បុរសជនទាំងក្នុង និង ក្រៅប្រទេសព្រះមេត្តា និង មេត្តា
ជួយឧបត្ថម្ភដល់ទូកងខ្មែរកម្ពុជាក្រោមយើងខ្ញុំជាថវិកា និង
ជាសម្ភារៈផ្សេងៗក្ដី ទៅតាមលទ្ធភាពដោយអនុគ្រោះ ។
គណៈកម្មការទូកងខ្មែរកម្ពុជាក្រោមមានជ័យសូមសង្ឃឹម អរព្រះគុណ
និង អរគុណទុកជាមុន ។
រាជធានីភ្នំពេញ
ថ្ងៃទី១០ ខែតុលា ឆ្នាំ២០១៦
ប្រធានមិត្តសមាគមខ្មែរកម្ពុជាក្រោម
ព័ត៌មានបន្ថែម
សូមទំនាក់ទំនងមិត្តសមាគមខ្មែរកម្ពុជាក្រោម
ប្រធាន ប៊ុន មុនី
៖ ០១១ ៤៥ ១៦ ១៧
អគ្គលេខាធិការ ស៊ីម វិចិត្រ ៖ ០៧៨៨ ២២ ១ ៧៧
អគ្គហេរញ្ញិក គឹម វិសាល ៖ ០១៧ ៩៣ ៩៦ ៩០
ចែករំលែកអត្ថបទ
