សេចក្ដីថ្លែងអំណរគុណ
គណៈកម្មាធិការនាយកនៃមិត្តសមាគមខ្មែរកម្ពុជាក្រោម
សូមថ្លែងអំណរព្រះគុណ និង អរគុណចំពោះ
-
ព្រះតេជព្រះគុណ
លោក លោកស្រី ជាគណៈអធិបតី ស្ថាបនិក អតីតប្រធាន ភរិយាអតីតប្រធាន អតីតគណៈកម្មាធិការនាយក
នៃមិត្តសមាគមខ្មែរកម្ពុជាក្រោម
-
លោក
លោកស្រី និង បងប្អូន សមាជិក
សមាជិកានៃមិត្តសមាគមខ្មែរកម្ពុជាក្រោមដែលបានអញ្ជើញមកពីរាជធានីភ្នំពេញ
ខេត្តកណ្ដាល កំពង់ចាម កំពង់ឆ្នាំង កំពង់ធំ ពោធិ៍សាត់ តាកែវ ។ល។
ដែលបានលៃពេលដ៏មានតម្លៃ
ដើម្បីចូលរួមអង្គមហាសន្និបាតវិសាមញ្ញរបស់មិត្តសមាគមខ្មែរកម្ពុជាក្រោម
ដែលបានប្រារព្ធឡើងនៅថ្ងៃទី២១ ខែកុម្ភៈ ឆ្នាំ២០១៦ និង
ធ្វើការវិភាគទានធនធានផ្ទាល់ខ្លួនយ៉ាងច្រើនអនេកប្បការដើម្បីជួយទ្រទ្រង់មិត្តសមាគម
។
គណៈកម្មាធិការនៃមិត្តសមាគមខ្មែរកម្ពុជាក្រោម
ក៏សូមថ្លែងអំណរគុណយ៉ាងជ្រាលជ្រៅបំផុតចំពោះអស់លោកដែលជាតំណាងមកពីស្ថាប័នសារព័ត៌មានទាំងឡាយ
ក៏បានអញ្ជើញចូលមកផ្ដិតយករូបភាពសកម្មភាពនៃអង្គមហាសន្និបាតទាំងមូល ។
ព្រះភ័ក្ត្ររបស់ព្រះអង្គ និង
វត្តមានរបស់អស់លោក លោកស្រីជាកត្តាសំខាន់ចម្បងញ៉ាំងឲ្យមានភាពជោគជ័យដ៏ធំធេងរបស់អង្គមហាសន្និបាតថ្ងៃនេះ
។
គណៈកម្មាធិការក៏ជឿថា
អង្គមហាសន្និបាតនេះ មិនអាចចៀសផុតទេកំហុសខុសឆ្គង
គណៈកម្មាធិការសូមលំឱនកាយក្រាបថ្វាយបង្គំខមាទោសចំពោះព្រះអង្គ និង
សូមអភិទោសអស់លោក លោកស្រី ចំពោះរាល់កំហុសខុសឆ្គងដែលបានកើតឡើង ។
គណៈកម្មាធិការនៃមិត្តសមាគមខ្មែរកម្ពុជាក្រោម
ក៏សូមប្រសិទ្ធិពរ និង ជូនពរចំពោះព្រះតេជព្រះគុណ អស់លោក លោកស្រី
និងបងប្អូនសមាជិក សមាជិកា ជួបប្រទះតែនឹងពុទ្ធពរ ៤ ប្រការ គឺ ៖ អាយុ វណ្ណៈ
សុខៈ ពលៈ កុំបីឃ្លៀងឃ្លាតឡើយ ។
ជ.
គណៈកម្មាធិការនាយក
ប្រធាន
(ហត្ថាលេខា
និង ត្រា)
ប៊ុន មុនី
ចែករំលែកអត្ថបទ
