មិត្តសមាគមខ្មែរកម្ពុជាក្រោមចូលរំលែកទុក្ខលោកតា សុខ ជា

ថ្ងៃទី០៨ ខែកុម្ភៈ ឆ្នាំ២០១៧ គណៈប្រតិភូគណៈកម្មាធិការនាយកបានអញ្ជើញទៅគោរពវិញ្ញាណក្ខន្ធ និង រំលែកទុក្ខនឹងគ្រួសារលោកតា សុខ ជា នៅគេហដ្ឋាន ភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ។

លោកតាសុខ ជា កើតនៅឆ្នាំ១៩៣៧ នៅឃុំបឹងទន្សា ស្រុកបាយឆៅ ខេត្តឃ្លាំង កម្ពុជាក្រោម លោកបានទទួលអនិច្ចកម្មនៅយប់ថហថៃទី០៦ ខែកុម្ភៈ ឆ្នាំ២០១៧ ដោយចាស់ជរា ។

លោក ប៊ុន មុនី ប្រធានមិត្តសមាគមខ្មែរកម្ពុជាក្រោម បានថ្លែងទៅកាន់គ្រួសារនៃសពនូវសេចក្ដីអាឡោះអាល័យនឹងរំលែកនូវទុក្ខដ៏ធំទម្ងន់ចំពោះការបាត់បង់ស្វាមី ឪពុក ឪពុកក្មេក ជីតា តាទួតរបស់គ្រួសារ ។

ក្នុងឱកាសនេះ គណៈប្រតិភូមិត្តសមាគមខ្មែរកម្ពុជាក្រោមក៏បានជូនក្រុមគ្រួសារនូវថវិកាចំនួន ២០០,០០០៛ (ពីរសែនរៀល) និង អង្ករមួយបាវ ដែលជាការចូលរួមរំលែកទុក្ខរបស់សមាជិក សមាជិកាគណៈកម្មាធិការនាយក ។

គួររំឭកផងថា លោកតា សុខ ជា មានកូន កូនប្រសារ និង ចៅ ទាំងអស់ដល់០៥ នាក់ ជាសមាជិកយ៉ាងសកម្មតែងតែចូលរួម និង គាំទ្រសកម្មភាពទាំងឡាយរបស់មិត្តសមាគមខ្មែរកម្ពុជាក្រោម ។