នេះជាទីស្នាក់ការដំបូងរបស់មិត្តសមាគមខ្មែរកម្ពុជាក្រោម
ស្ថិតនៅខាងកើតវត្តឃ្លាំង
ទីរួមខេត្តឃ្លាំង
ដែនដីកម្ពុជាក្រោម
ដែលសព្វថ្ងៃត្រូវបានរដ្ឋអំណាចយៀកណាមយកធ្វើជាសាលាបំពេញវិជ្ជាបាលីមធ្យមសិក្សាណាមបូ
(Trường Bổ túc Văn hóa
Pali Trung cấp Nam Bộ) ។
អាគារនេះត្រូវបានសម្ពោធន៍កាលពីឆ្នាំ១៩៣៧
ក្រោមអធិបតីដ៏ខ្ពង់ខ្ពស់របស់ព្រះករុណា
ព្រះបាទ សម្ដេច ព្រះ នរោត្តម
សីហនុ ដែលកាលនោះ ព្រះអង្គ
ទ្រង់គង់ជាព្រះអង្គម្ចាស់
និង
កំពុងបំពេញព្រះរាជកិច្ចសិក្សានៅសាលាសះស្ល៊ូ
ឡូបា
(Lycée
Chasseloup Laubat) នាទីក្រុងព្រៃនគរ
។
ដល់ឆ្នាំ១៩៤៩
មិត្តសមាគមខ្មែរកម្ពុជាក្រោមបានប្ដូរទីតាំងមកមហាវិធីកម្ពុជាក្រោម ។
ដល់ឆ្នាំ១៩៧៥
ក្រោមរបបកម្ពុជាក្រោមប្រជាធិបតី មិត្តសមាគមក៏ដូចជាអង្គការ
សមាគមក្រៅរដ្ឋាភិបាលផ្សេងត្រូវរំសាយ ។
ដល់ឆ្នាំ១៩៩២
មិត្តសមាគមបានចាប់ផ្ដើមកសាងឡើងវិញ
ដោយបានទទួលលិខិតអនុញ្ញាតពីព្រះករុណា ព្រះបាទ សម្ដេច ព្រះ នរោត្តម សីហនុ
ដែលកាលនោះ ព្រះអង្គ ទ្រង់គង់ជាប្រធានក្រុមប្រឹក្សាជាន់ខ្ពស់កម្ពុជា (SNC) ហើយមានទីស្នាក់ការនៅមហាវិថីកម្ពុជាក្រោមដូចដដែល
។
ពីឆ្នាំ២០០២
រហូតមកដល់ពេលនេះ
មិត្តសមាគមខ្មែរកម្ពុជាក្រោមមានទីស្នាក់ការកណ្ដាលនៅវត្តសាមគ្គីរង្សី
ភូមិទ្រា២ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
មិត្តសមាគមខ្មែរកម្ពុជាក្រោមដែលបានលោកឧកញ៉ា
ឡឹម ឯម បង្កើតកាលពីឆ្នាំ១៩៣៧
មានមោទនភាពជាសមាគមរបស់ខ្មែរកម្ពុជាក្រោមបានបង្កើតមុនគេបង្អស់
ហើយមានអាយុកាលយូរជាងគេបង្អស់ ។
មិត្តសមាគមខ្មែរកម្ពុជាក្រោមបានបង្កើតដើម្បីបម្រើបងប្អូនខ្មែរកម្ពុជាក្រោម
និង ជាស្ពានមេត្រី រវាងបងប្អូនខ្មែរនៅព្រះរាជាណាចក្រកម្ពុជា និង
បងប្អូនខ្មែរមានដើមកំណើតកម្ពុជាក្រោម ។ សប្វថ្ងៃនេះ
ស្នាក់ដឹកនាំមិត្តសមាគមខ្មែរកម្ពុជាក្រោមគ្រប់លំដាប់ថ្នាក់បានខិតខំបន្តវេនរបស់លោកឧកញ៉ា
ឡឹម ឯម បម្រើបងប្អូនខ្មែរកម្ពុជាក្រោម និង រិតចំណងសាមគ្គីភាព
មេត្រីភាពរវាងខ្មែរកម្ពុជាក្រោម និង បងប្អូនខ្មែរនៅទូទាំងពិភពលោក ជាពិសេស
បងប្អូនខ្មែរកម្ពុជាជាជនរួមលោហិតរបស់យើង ។
ចែករំលែកអត្ថបទ
